Տավուշի մարզպետն այսօր ընդունել է Հայաստանում ԱՄՆ դեսպան Քրիստինա Քվինին

Հանդիպմանը ներկա էին Տավուշի մարզպետի տեղակալները, մարզպետի աշխատակազմի գլխավոր քարտուղարը, Դիլիջան և Իջևան համայնքների ղեկավարները:

Մարզպետը ներկայացրել է վերջին շրջանում մարզում իրականացված աշխատանքները, ձեռնարկած տնտեսական վերափոխումները, ձեռնարկելիք քայլերը՝ գյուղատնտեսության, մշակույթի ու կրթության ոլորտներում:

Հանդիպման ընթացքում քննարկվել են փոխադարձ հետաքրքրություն ներկայացնող մի շարք այլ հարցեր, որոնք վերաբերել են տարբեր ոլորտներում հնարավոր ծրագրերին ու նախագծերին։

Դեսպան Քրիստինա Քվինին շնորհակալություն է հայտնել ընդունելության համար, նշել, որ ուրախ է ծանոթանալու այն տեսլականին, որը հնարավորություն կտա աջակցել մարզի զարգացմանը։